ಲಿಂಗೈಕ್ಯ ನಾಗನಗೌಡ ಕಂದಕೂರ ಅವರ ಬದುಕೇ ಹೋರಾಟದ್ದು…!

ಮಾಜಿ ಶಾಸಕ ಲಿಂ. ನಾಗನಗೌಡ ಕಂದಕೂರ ಪ್ರಥಮ ಪುಣ್ಯ ಸ್ಮರಣೆ | ಪಂಚ ಗೋದಾನ | ಶಾಲಾ ಮಕ್ಕಳಿಗೆ ತಟ್ಟೆ, ಗ್ಲಾಸ್ ವಿತರಣೆ | 1300 ಜನರಿಂದ ರಕ್ತದಾನ |ನಾಗನಗೌಡ ಕಂದಕೂರ ಫೌಂಡೇಶನ್ ಗೆ ಚಾಲನೆ

ವಿಎಸ್ ಟು ವಿಧಾನಸೌಧ ಜರ್ನಿ ಮಾಡಿದ ಗೌಡರ ಜೀವನ ಗಾಥೆ ಪ್ರದರ್ಶನ

ಕಂದಕೂರ (ಗುರುಮಠಕಲ್): ಮಾಜಿ ಶಾಸಕ ಲಿಂ. ನಾಗನ ಗೌಡ ಕಂದಕೂರ ಅವರ ಪ್ರಥಮ ಪುಣ್ಯ ಸ್ಮರಣೆ ಕಾರ್ಯಕ್ರಮ ಕಂದಕೂರಿನ ಅವರ ತೋಟದಲ್ಲಿ ನೆರವೇರಿತು.

ಕಾರ್ಯಕ್ರಮಕ್ಕು ಮುನ್ನ ತುಮಕೂರು ಸಿದ್ಧಗಂಗಾ ಮಠದ ಪೂಜ್ಯ ಸಿದ್ಧಲಿಂಗ ಸ್ವಾಮೀಜಿ ಅವರಿಂದ ಪಂಚ ಗೋದಾನ, ನಾಗನ ಗೌಡ ಕಂದಕೂರ ಫೌಂಡೇಶನ್ ಗೆ ಚಾಲನೆ ನೀಡಿ, ಸಾನಿಧ್ಯ ವಹಿಸಿ ಮಾತನಾಡಿದ ಅವರು, ನಾಗನಗೌಡ ರನ್ನು ಹತ್ತಿರದಿಂದ ಕಂಡವರು ನೀವು, ಗುರುಮಠಕಲ್ ಕ್ಷೇತ್ರದ ಅಭಿವೃದ್ಧಿಗೆ ಕೊಡುಗೆ ನೀಡಿದ್ದಾರೆ. ಶಿಕ್ಷಣ, ಆರೋಗ್ಯ ಹಾಗೂ ಕೃಷಿ ಅಭಿವೃದ್ಧಿ ಗೆ ನಾಗನಗೌಡರ ಶ್ರಮವಹಿಸಿದ್ದು ಅವಿಸ್ಮರಣೀಯ ಎಂದು ನುಡಿದರು.

ಬಾಗಿದ ತಲೆ, ಮುಗಿದ ಕೈಗಳ ಮೂಲಕ ಗುರುತಿಸಿಕೊಂಡ ನಾಗನಗೌಡರ ಕುಟುಂಬ…

ರೈತರಿಗೆ ನೀರು, ವಿದ್ಯುತ್ ಕೊಟ್ಟರೆ ಸರ್ಕಾರಕ್ಕೆ ರೈತರೇ ಬೇಕಾದ್ದನ್ನು ನೀಡುತ್ತಾರೆ. ನಾಗನಗೌಡರ ಬದುಕೇ ಹೋರಾಟ. ವಿಎಸ್ ಎಸ್ ಟು ವಿಧಾನಸೌಧ ಮೆಟ್ಟಿಲೇರಿದ್ದು ರೋಚಕ ಎಂದರು.

ನಾಗನಗೌಡರ 50 ವರ್ಷಗಳು ಸಾರ್ಥಕವಾದ ಸಮಾಜ ಸೇವೆಯಲ್ಲಿ ಕಳೆದಿವೆ. ಸದಾ ಜನ ಮಾನಸದಲ್ಲಿ ಉಳಿಯುವ ನಾಯಕರಾಗಿದ್ದಾರೆ. ಪಕ್ಷನಿಷ್ಠೆಯನ್ನು ಜೀವನ ಪರ್ಯಂತ ಉಳಿಸಿಕೊಂಡ ನಾಯಕರಾಗಿದ್ದರು, ತಂದೆ, ತಾಯಿ ಜೊತೆಗೆ ಯಶಸ್ವಿಗೆ ಧರ್ಮ ಪತ್ನಿಯ ಪಾತ್ರವೂ ಮುಖ್ಯವಾಗಿದೆ ಎಂದರು.

ಛಲವಂತ, ಧೈರ್ಯ, ಎದೆಗಾರಿಕೆಯ ಶಾಸಕ ಶರಣಗೌಡ ಕಂದಕೂರ ಅವರು ಹಿಡಿದ ಕೆಲಸ ಮಾಡುವುದಕ್ಕೆ ತಾನೇ ಉದಾಹರಣೆ ಎಂದರು. ಯುವ ಶಾಸಕರನ್ನು ಆಯ್ಕೆ ಮಾಡಿದ್ದು ಪುಣ್ಯವಂತರು. ಇಷ್ಟು ಪೂಜ್ಯರು ಭಾಗವಹಿಸಿದ್ದು, ಕಂಡಿಲ್ಲ. ಧರ್ಮ ಸಭೆಯಂತಾಗಿದೆ. ರಾಜಕೀಯ ಹೊರತಾದ ಕಾರ್ಯ ಕ್ರಮವನ್ನು ಶ್ಲಾಘಿಸಿದರು.

ಜೀವಂತ ಇರುವಾಗಲೇ ಮತ್ತೊಂದು ಜೀವ ಉಳಿಸುವ ರಕ್ತದಾನ ಶ್ರೇಷ್ಠ. ಗೋದಾನ ಪುಣ್ಯದ ಕಾರ್ಯ. ಸರ್ಕಾರ ಶಿಕ್ಷಣ, ಅಪೌಷ್ಠಿಕತೆ ಹೋಗಲಾಡಿಸಲು ಬಿಸಿಯೂಟ ಯೋಜನೆ ಬಸವಾದಿ ಶರಣರ ಪ್ರೇರಣೆಯಿಂದಾಗಿದೆ. ಶಾಸಕರ ಕುಟುಂಬದ ಸಾಮಾಜಿಕ ಕಾರ್ಯಕ್ಕೆ ಫೌಂಡೇಶನ್ ಆರಂಭ ಹೆಮ್ಮೆಯ ಸಂಗತಿ ಎಂದರು.

ದೇವಾಪೂರ ಶ್ರೀಗಳು ಮಾತನಾಡಿ, ಹುಟ್ಟಿನಿಂದ ಬದುಕಿನ ವರೆಗೆ ಸಾರ್ಥಕ ಜೀವನ. ನಾಗನಗೌಡ ಕಂದಕೂರ ಅವರು ಸಮಾಜಕ್ಕೆ ಅದ್ಭುತ ರತ್ನ ನೀಡಿದ್ದಾರೆ ಎಂದರು.

ಜಿಲ್ಲೆಯ ಭವಿಷ್ಯದ ನಾಯಕ ಶರಣಗೌಡ

16 ಸಾವಿರ ತಟ್ಟೆ ವಿತರಣೆ, ಸರ್ಕಾರಕ್ಕಿಂತ ಹೆಚ್ಚು ಮಠಮಾನ್ಯ ಗಳಿಂದ ಅನ್ನದಾನ. ಇಡೀ ಜಿಲ್ಲೆಗೆ ಭವಿಷ್ಯ ರಾಜಕಾರಣಿಯಾಗಿ ಶರಣಗೌಡ ಕಂದಕೂರ ಕಾಣುತ್ತಾರೆ. ಗುರುಮಠಕಲ್ ಕ್ಷೇತ್ರದ ಜನರು, ಪೂಜ್ಯರು ಜೊತೆಗಿದ್ದೇವೆ ಎಂದರು.

ಹೆಡಗಿಮದ್ರ ಪೂಜ್ಯ ಶಾಂತ ಮಲ್ಲಿಕಾರ್ಜುನ ಸ್ವಾಮಿ ಮಾತನಾ ಡಿ, ಭಕ್ತಿಗೆ ಮೆಚ್ಚಿ ಸಿದ್ಧಗಂಗಾ ಪೂಜ್ಯರು ಸಿಂಹಾಸನ ತ್ಯಜಿಸಿ ಸಮಾನ ವೇದಿಕೆಯಲ್ಲೇ ಆಸೀನ ಆಗಿದ್ದಾರೆ. ಅರ್ಥಪೂರ್ಣ ಕಾರ್ಯಕ್ರಮ ಗೋದಾನದ ಮೂಲಕ ಶ್ರೀಗಳಿಂದ ಮಾಡಿಸಿದ್ದಾರೆ.

ಇದು ರಾಜಕೀಯ ಕಾರ್ಯಕ್ರಮ ಅಲ್ಲ, ಎಲೆಕ್ಷನ್ ಗೆ ಬಂದಿಲ್ಲ. ಕಂದಕೂರ ಕುಟುಂಬ ಜನರೊಂದಿಗೆ ಕನೆಕ್ಷನ್ ತೋರಿಸುತ್ತಿದೆ. ಗುರುಮಠಕಲ್ ಜನ ಎಂದು ನಿಮ್ಮ ಕೈ ಬಿಡಲ್ಲ ಎಂದರು.

ಗುರುಮಠಕಲ್ ಪೂಜ್ಯ ಶಾಂತವೀರ ಗುರು ಮುರುಘರಾಜೇಂದ್ರ ಸ್ವಾಮೀಜಿ ಮಾತನಾಡಿ, ಲಿಂ.ನಾಗನಗೌಡ ಕಂದಕೂರ ಅವರ ಪ್ರಥಮ ಪುಣ್ಯ ಸ್ಮರಣೆ ಮಾದರಿ. ಹುಟ್ಟು, ಸಾವಿನ ಮದ್ಯದ ಜೀವನ ಆದರ್ಶ ಆಗಿರಬೇಕು. ಹಣದಿಂದ ಅಲ್ಲ ನಡೆ – ನುಡಿ ಯಿಂದ ಸಮಾಜದಲ್ಲಿ ಅಮರ ವಾಗಲು ಸಾಧ್ಯ. ಶಾಸಕ ಕಂದಕೂರ ಇನ್ನೂ ಎತ್ತರ ಸ್ಥಾನಕ್ಕೆ ಏರಲಿ ಎಂದು ಹಾರೈಸಿದರು.

ಅಬ್ಬೆತುಮಕೂರು ಶ್ರೀ ಡಾ. ಗಂಗಾಧರ ಶ್ರೀಗಳು ಮಾತನಾಡಿ, ರಾಜಕೀಯ ಏಳು ಬೀಳುಗಳ ಎದುರಿಸಿ, ರಾಜಕೀಯ ವ್ಯವಸ್ಥೆ ಒಂದು ಕಡೆ ಇದ್ದರೆ ಇವರು ಒಂದು ಕಡೆ ಇರುತ್ತಿದ್ದರು.

ನಾಗನಗೌಡ ಕಂದಕೂರ ಕ್ಷೇತ್ರದ ಜನಪರ ಅಭಿವೃದ್ಧಿ ಮನೋ ಭಾವ, ಮಂತ್ರಿ ಸ್ಥಾನ ತ್ಯಜಿಸಿ ಜನರ ಅನುಕೂಲಕ್ಕಾಗಿ ಶ್ರಮಿಸಿ ದ್ದಾರೆ. ಅವರ ಪುಣ್ಯ ಸ್ಮರಣೆಯಂದು ತಟ್ಟೆ ನೀಡಿದ್ದು , ಸಿದ್ಧಗಂಗಾ ಪ್ರಸಾದ ಆ ತಾಟಿನಲ್ಲಿರುತ್ತದೆ. ಶರಣಗೌಡ ಕಂದಕೂರ ಕಾರ್ಯ ಶ್ಲಾಘನೀಯ ಎಂದರು.

ಪ್ರಾಸ್ತಾವಿಕವಾಗಿ ಶಾಸಕ ಶರಣಗೌಡ ಕಂದಕೂರ ಮಾತನಾಡಿ, ಭಾವುಕರಾಗಿ ಕೊನೆಯ ಕಾರ್ಯದಲ್ಲಿ ಭಾಗಿಯಾಗಿ ಆತ್ಮಕ್ಕೆ ಶಾಂತಿ ಸಿಗಲು ಪ್ರಾರ್ಥನೆ ಮಾಡಿದ್ದೀರಿ ಎಂದು ಸ್ಮರಿಸಿದರು.

ಗುರು ಹಿರಿಯರ ಆಶೀರ್ವಾದ ದಿಂದ ಅಭಿಮಾನಿಗಳು ಪಕ್ಷಾತೀತವಾಗಿ ಭಾಗವಹಿಸಿದ್ದೀರಿ. ಪೂಜ್ಯರ ಪಾದ ಕಮಲಗಳು ಕಂದಕೂರ ಗೆ ಇರಿಸಿದ್ದು ಪುಣ್ಯ ಪ್ರಾಪ್ತಿಯಾಗಿದೆ. ವಿ.ಸೋಮಣ್ಣ ಅವರು ರಾಜಧಾನಿ ಎಕ್ಸ್ ಪ್ರೆಸ್ ರೈಲು ನಿಲುಗಡೆಗೆ ಮಾಡಿದ್ದಾರೆ ಎಂದರು. ನಾಗನಗೌಡ ಕಂದಕೂರ ಅವರು ಸರ್ಕಾರಿ ಶಾಲೆ ಬಗ್ಗೆ ಕಾಳಜಿ ಹೊಂದಿದ್ದರು ಹಾಗಾಗಿ ತಟ್ಟಿ, ಗ್ಲಾಸ್ ವಿತರಣೆ ಮಾಡಲಾಗುತ್ತಿದೆ ಎಂದರು.

75 ವರ್ಷಕ್ಕೆ ಶಾಸಕರಾದರು. ಜೀವನದಲ್ಲಿ ಸಾರ್ಥಕ ಜೀವನ ನಡೆಸಿದರು. ಪುಣ್ಯ ಸ್ಮರಣೆ ಸಮಾಜ ಮುಖಿ, ಸಾರ್ಥಕವಾಗಿರ ಬೇಕು ಎಂಬುದು ಕುಟುಂಬದವ ಆಸೆ ಇತ್ತು. ಅದರಂತೆ ಈ ಕಾರ್ಯಕ್ರಮ ಮುಂದೆಯೂ ಜೀವನ ಪರ್ಯಂತ ಸಾಮಾಜಿಕ ಕಾಳಜಿಯ ಕಾರ್ಯ ಮಾಡುವುದಾಗಿ ಹೇಳಿದರು. ತಂದೆ ಆಸ್ತಿ ಮಾಡಿಲ್ಲ, ಜನರ ಪ್ರೀತಿ ವಿಶ್ವಾಸಗಳಿಸಿದ್ದಾರೆ. ಜಿಲ್ಲೆಯ ಜನರ ಧ್ವನಿಯಾಗಿರುವೆ ಎಂದರು.

ಸಂತಸದಿಂದ ತುಂಬಿದ ವೇದಿಕೆ: ಮಾಜಿ ಶಾಸಕ ನಾಗನಗೌಡ ಕಂದಕೂರ ಅವರ ಪ್ರಥಮ ಪುಣ್ಯ ಸ್ಮರಣೆ ಬೃಹತ್ ಕಾರ್ಯಕ್ರಮ ದ ವೇದಿಕೆ ಸಂತರಿಂದ ತುಂಬಿತ್ತು. ರಾಜಕೀಯ ಹೊರತಾದ ಕಾರ್ಯ ಎಲ್ಲೆಡೆ ನೆರೆದವರು ಶ್ಲಾಘನೆ ವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಪಕ್ಷಾತೀತವಾಗಿ ರಾಜಕೀಯ ನಾಯಕರು, ಗಣ್ಯರು ಹಾಗೂ ಅಭಿಮಾನಿಗಳು ಅಪಾರ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು.